總統蔡英文今身穿客家花布襯衫，出席「講客 FM105.9廣播電臺開播茶會」。她全程以客語致辭指出，政府還會用過較全面性政策，來推廣客家，而「浪漫客庄台三線」不只會用年度預算來執行，在前瞻計畫中，也會用特別預算，結合新文創、新農業、生態旅遊，來加速振興客庄。
蔡總統表示，客家朋友常透會掛心客家話的保存，她記得鍾肇政曾跟她講過，鍾老很煩惱「無客家話，就無客家人。」她強調，蔡英文做總統，這個政府一定全力挺客家，絕對不會讓客語這個祖宗話滅失；今天「講客廣播電臺」開播，就是表示我們為客語、為客家文化打拚的決心。
蔡英文指出，過去的政府都有想，起一間全國性客語廣播電臺，一直都無法度做到，現在總算順利完成「講客電臺」開播；全國性「講客廣播電臺」是臺灣客家語言摎文化轉型正義中，一個重要指標，也是客家文藝復興中，一個重要工作。
蔡英文說，政府還會用過較全面性政策，來推廣客家；大家最關心方「浪漫客庄台三線」，不只會用年度預算來執行，在前瞻計畫中，也會用特別預算，結合新文創、新農業、生態旅遊，來加速振興客庄。
蔡英文表示，上禮拜四，行政院也通過了「客家基本法」修正草案，在「基本法」當中，就有她的承諾，把客語列做「國家語言」，也要成立客語研究發展中心，來研究、推廣客語，實實在在做客家。她說，在客家重點所在裡面，公家機關都要提供客語服務，在國中小的語言課程中，客語也要改做必修。這是分客語主流化、生活化的重要修法，恩俚期待立法院做得盡遽來通過。
另外，這場開播活動在新莊大典華進行，清潔人員在女廁內找到一把美工刀，維安一度出現警報，媒體喊話詢問此事，蔡英文並無回應。（林修卉／新北市報導）
以下是蔡英文客語致辭全文：
李主委、各位貴賓，大家恁早、大家好。今晡日係「講客廣播電臺」開播个大日仔，盡歡喜做得摎大自家，共下看到恩俚在推廣、傳承客家語言文化个工作，又過進一大步。
恩俚客家朋友常透會掛心客話祖宗語个保存，吾總會記得鍾肇政、鍾老摎吾講个，佢盡煩惱「無客家話，就無客家人咧。」
吾識講過，蔡英文做總統，吾个政府定著全力挺客家，絕對毋會分客語祖宗話滅忒。今晡日「講客廣播電臺」開播，就係表示恩俚為客語、為客家文化打拚个決心。
1988年个時節，「還我母語」萬人大遊行，要爭取自家母語个發聲權。到1997年，台灣正有第一个客語廣播電臺，也就係台北个「寶島客家電臺」。
過去个政府都有想，起一間全國性个客語廣播電臺，一直都無法度做到。這下恩俚有決心，總算順利完成「講客電臺」个開播。全國性「講客廣播電臺」，係臺灣客家語言摎文化轉型正義中，一个重要指標，也係客家文藝復興中，一个重要工作。
恩俚還會用過較全面性个政策，來推廣客家。大家最關心个「浪漫客庄台三線」，毋單只會用年度預算來執行，在前瞻計畫中，也會用特別預算，結合新文創、新農業、生態旅遊，來加速振興客庄
上禮拜四，行政院也通過了「客家基本法」个修正草案，在「基本法」當中，就有吾个承諾，摎客語列做「國家語言」，也要成立客語研究發展中心，來研究、推廣客語，實實在在做客家。在客家重點所在裡面，公家機關都要提供客語服務，在國中小的語言課程中，客語也要改做必修。這係分客語主流化、生活化个重要修法，恩俚期待立法院做得盡遽來通過。
搶救母語毋單只愛有理念，過較愛有行動。政府會用法制化，來保存客家語言。客語係客人摎客家文化个根，恩俚會用所有个力量，來分客家文化在台灣壯大、旺象起來。
再一擺感謝各位先進出恁多力，恩俚將來還要共下打拚，承蒙大自家，多謝、恁仔細。
相關新聞推薦
【年改修法】所替率調降過度期 民進黨團假投票決定為10年
力拼年金改革 綠營打算挑燈夜戰到午夜12點
【圖解動畫】批國民黨像乞丐 連勝文重提「丐幫理論」
【圖輯】臨時會上演表決大戰 朝野立委累癱惹
